Pri. Teachers and Head Tachers Higher Grade Rules Aynalisis

પ્રાથમિક શાળાના શિક્ષકો અને મુખ્ય શિક્ષકોના પગાર ધોરણ અંગે નક્કી થયેલ નિયમોનું પૃથ્થકરણ

 🠊 પરિપત્ર વિષે

               ગુજરાત સરકાર, શિક્ષણ વિભાગના પરિપત્ર ક્રમાંક :- પીઆરઈ/૧૧૨૦૧૯/પ્રાશીની-૨૮૮/ક, તારીખ:-૧૭/૦૩/૨૦૨૧ ના પરિપત્રથી પ્રાથમિક શિક્ષકો અને મુખ્ય શિક્ષકોના ઉચ્ચતર પગારધોરણના નિયમો અનુસંધાને સમજુતી બહાર પાડવામાં આવી. આ સમજુતી અંગે વિગતવાર પૃથ્થકરણ કરતા અને આ સમજુતીમાં આપવામાં આવેલ સંદર્ભ:-૧ થી ૮ ના પરિપત્રો અને ઠરાવોના અભ્યાસ કરતા પ્રાથમિક શિક્ષકો અને મુખ્ય શિક્ષકોને કયા કયા ઉચ્ચતર પગારધોરણ મળશે અને ક્યારે મળશે તે અંગે સરળ સમજુતી આ મુજબ છે.

🠊 પ્રાથમિક શિક્ષકને મળવાપાત્ર ઉચ્ચતર પગાર ધોરણ

            ઉપરોક્ત પરિપત્રમાં શિક્ષણ વિભાગ દ્વારા મુખ્ય 5  (પાચ) બાબતો અંગે સ્પષ્ટતા કરવામાં આવી છે. જે પૈકી સૌ પ્રથમ બાબત છે “પ્રાથમિક શિક્ષકોને મળવાપાત્ર ઉચ્ચતર પગાર ધોરણ.”

    ઉપરોક્ત પરિપત્રના મુદ્દા નં -૧ અને મુદ્દા નં.-૩ મુજબ.

• પ્રાથમિક શિક્ષકને પ્રથમ ઉચ્ચતર પગાર ધોરણ તરીકે મુખ્ય શિક્ષક (HTAT) નું પગાર ધોરણ એટલે કે 4200 GRADE PAY (સાતમાં પગારપંચ મુજબ LEVEL-6) મળવાપાત્ર થાય છે.
• પ્રથમ ઉચ્ચતર પગાર ધોરણ બાદ કર્મચારી માટે કોઈ બઢતીની પોસ્ટ ન હોવાથી દ્વિતીય અને તૃતીય ઉચ્ચતર પગાર ધોરણ તરીકે ક્રમશ: આગળના LEVEL મળવાપાત્ર થાય છે.
• એટલે કે દ્વિતીય ઉચ્ચતર પગારધોરણ તરીકે 4400 GRADE PAY (સાતમાં પગારપંચ મુજબ LEVEL-7) અને તૃતીય ઉચ્ચતર પગારધોરણ તરીકે 4600 GRADE PAY (સાતમાં પગારપંચ મુજબ LEVEL-8) મળવાપાત્ર થાય છે.

🠊 કઈ બાબતમાં થયો ફેરફાર?

            પહેલા પ્રાથમિક શિક્ષકની બઢતીની કેડર તરીકે કેળવણી નિરીક્ષકની કેડર નિયત કરવામાં આવેલ હતી. જેથી પ્રાથમિક શિક્ષકને કેળવણી નિરીક્ષક તરીકે બઢતી મળવાપાત્ર હતી. જયારે હવે પ્રાથમિક શિક્ષકની બઢતીની કેડર તરીકે મુખ્ય શિક્ષક (HTAT) નિયત થઇ છે. જેથી હવેથી પ્રાથમિક શિક્ષકને મુખ્ય શિક્ષક (HTAT) તરીકે બઢતી મળવાપાત્ર થશે.

🠊 મુખ્ય શિક્ષક (HTAT)ને મળવાપાત્ર ઉચ્ચતર પગાર ધોરણ.

મુખ્ય શિક્ષક (HTAT) ની નિમણુક બે રીતે થયેલ છે.

(૧) સીધી ભરતીથી 

(૨) પ્રાથમિક શિક્ષક માંથી બઢતી મેળવીને.

ઉચ્ચતર પગાર ધોરણ મંજુર કરાવવા માટેનું ફોર્મ FORM ની વિશેષતાઓ ❁ તિજોરી અને પગાર નિયામકની કચેરી ના નોમ્સ મુજબનું ફોર્મ ❁ ચેક લીસ્ટ અને પત્રક -4 સામેલ ❁ કર્મચારીએ આપવાની થતી તમામ બહેધારીના નમુના ❁ તાલુકા કક્ષાએથી આપવાના થતા તમામ પ્રમાણપત્રોના નમુના ❁ વિકલ્પ ફોર્મનો નમુનો ❁ તાલુકા કક્ષા તથા જીલ્લા કક્ષાએ કરવાના થતા આદેશના નમુના. CLICK HERE TO DOWNLOAD FORM

               હવે મુખ્ય શિક્ષક (HTAT) શૈક્ષણિક કેડર છે અને તેમને શૈક્ષણિક કેડરની જેમ જ ત્રણ ઉચ્ચતર પગારધોરણ મળવાપાત્ર થાય છે. તથા બઢતી મેળવીને મુખ્ય શિક્ષક (HTAT) તરીકે ફરજ બજાવતા કર્મચારી માટે તેમની ફીડર કેડર પ્રાથમિક શિક્ષક હોઈ ઉપરોક્ત બંને પ્રકારના મુખ્ય શિક્ષક (HTAT) ના ઉચ્ચતર પગાર ધોરણ અલગ અલગ રીતે નિયત થશે. પરંતુ બંને માટે એક સામાન્ય નિયમ એ છે કે બંને ને ત્રણ ઉચ્ચતર પગારધોરણ મળવાપાત્ર થાય છે.

(૧) સીધી ભરતીથી નિમણુક મેળવેલ માટે ઉચ્ચતર પગાર ધોરણ 

• ઉપરોક્ત પરિપત્રના મુદ્દા નં-૧ મુજબ મુખ્ય શિક્ષક (HTAT) એ એકાકી સંવર્ગ હોઈ તેની બઢતી માટે કોઈ સંવર્ગ નથી. પરંતુ સીધી ભરતીથી નિમણુક થયેલ મુખ્ય શિક્ષક (HTAT) ને ત્રણ ઉચ્ચતર પગારધોરણ મળવાપાત્ર થાય છે.
• બઢતી માટે કોઈ સંવર્ગ ના હોવાથી નાણા વિભાગની નિયત કરેલ અનુસૂચી મુજબ સીધી ભરતીથી નિમણુક થયેલ મુખ્ય શિક્ષક (HTAT) ને ઉચ્ચતર પગાર ધોરણ તરીકે ક્રમશ: આગળના LEVEL મળવાપાત્ર થાય. 
• એટલે કે પ્રથમ ઉચ્ચતર પગાર ધોરણ તરીકે 4400 GRADE PAY (સાતમાં પગારપંચ મુજબ LEVEL-7)
• દ્વિતીય ઉચ્ચતર પગારધોરણ તરીકે તરીકે 4600 GRADE PAY (સાતમાં પગારપંચ મુજબ LEVEL-8)
• અને તૃતીય ઉચ્ચતર પગારધોરણ તરીકે તરીકે 5400 GRADE PAY (સાતમાં પગારપંચ મુજબ LEVEL-9) મળવાપાત્ર થાય.

(૧) બઢતીથી નિમણુક મેળવેલ માટે ઉચ્ચતર પગાર ધોરણ 

               બઢતીથી મુખ્ય શિક્ષક (HTAT) તરીકે નિમણુક મેળવેલ કર્મચારી માટે કર્મચારીની ફીડર કેડર પ્રાથમિક શિક્ષક છે. મુખ્ય શિક્ષક (HTAT) એ પ્રાથમિક શિક્ષકને મળેલ બઢતી છે. માટે આવા કર્મચારી માટે ઉચ્ચતર પગારધોરણ માટે પરિપત્રમાં દર્શાવેલ મુદ્દા નં.-3 મુજબ આગળના ઉચ્ચતર પગારધોરણ મળવાપાત્ર થાય છે. જે આ મુજબ છે.

• કર્મચારીએ મદદનીશ શિક્ષક માંથી મુખ્ય શિક્ષક (HTAT) તરીકે બઢતી મેળવેલ છે તેથી પરિપત્રના મુદ્દા નં. ૧ મુજબ  મુખ્ય શિક્ષક (HTAT) તરીકેની બઢતી મળતા તેને પ્રથમ ઉચ્ચતર પગાર ધોરણ મળી ગયું છે.
• હવે આ કર્મચારીને દ્વિતીય અને તૃતીય ઉચ્ચતર પગારધોરણ મળવાપાત્ર થાય છે. પરિપત્રના મુદ્દા નં. ૨ મુજબ મુખ્ય શિક્ષક (HTAT) એકાકી સંવર્ગ હોવાથી તેને આગળના ઉચ્ચતર પગાર ધોરણ ક્રમશ: આવતા પગાર ધોરણ મળવાપાત્ર થાય. 
• એટલે કે દ્વિતીય ઉચ્ચતર પગારધોરણ તરીકે 4400 GRADE PAY (સાતમાં પગારપંચ મુજબ LEVEL-7) અને તૃતીય ઉચ્ચતર પગારધોરણ તરીકે 4600 GRADE PAY (સાતમાં પગારપંચ મુજબ LEVEL-8) મળવાપાત્ર થાય છે.
• પરંતુ આ તમામ ઉચ્ચતર પગાર ધોરણ દરમિયાન મુખ્ય શિક્ષક (HTAT) એનાથી ઉપલી કેડરમાં બઢતી મેળવવવા માટે લાયક થશે નહિ. ઉપલી કેડરમાં બઢતી મેળવવા માટે મુખ્ય શિક્ષક (HTAT)એ ફરજીયાત સરકાર શ્રી દ્વારા નિયત કરેલ પરીક્ષા પાસ કરાવી ફરજીયાત હોય કર્મચારીએ પરીક્ષા પાસ કરી ઉપલી કેડરમાં બઢતી કે સીધી ભરતી માટે લાયક બનવાનું રહેશે.

પ્રાથમિક શાળાના શિક્ષકો અને મુખ્ય શિક્ષકોના ઉચ્ચતર પગાર ધોરણ અનુસંધાને સમજુતી બાબત પરિપત્ર. Click Here To Download

Assistant Education Inspector (મદદનીશ શિક્ષણ નિરીક્ષક) Recruitment Rules (R.R.) Click Here To Download

🠊 જો કર્મચારી મદદનીશ કેળવણી નિરીક્ષક સંવર્ગમાં બઢતી મેળવે તો?

               પરિપત્રના મુદ્દા નં -૫ મુજબ જો કર્મચારી મદદનીશ કેળવણી નિરીક્ષકના સંવર્ગમાં બઢતી મેળવે તો તેને નાણા વિભાગના ઉચ્ચતર પગાર ધોરણ સંબંધિત લાગુ પડતા ઠરાવની જોગવાઈઓને આધીન ઉચ્ચતર પગારધોરણ મળવાપાત્ર થાય છે. એટલે કે…

• મદદનીશ કેળવણી નિરીક્ષક સંવર્ગમાં માત્ર 2 (બે) ઉચ્ચતર પગારધોરણ માટે જોગવાઈ છે.
• હવે જો કોઈ મુખ્ય શિક્ષક (HTAT) સીધી ભરતીથી નિમણુક થયેલ હોય અને તેને એક પણ ઉચ્ચતર પગાર ધોરણ ના મળેલ હોય અને તે મદદનીશ કેળવણી નિરીક્ષક તરીકે બઢતી મેળવે તો તેને એક બઢતીનું અને ત્યાર બાદ એક ઉચ્ચતર પગારધોરણ મળવાપાત્ર થાય.
• અને જો કોઈ મુખ્ય શિક્ષક (HTAT) મદદનીશ શિક્ષક સંવર્ગમાંથી બઢતી મેળવીને આવેલ હોય અને તે મદદનીશ કેળવણી નિરીક્ષક તરીકે બઢતી મેળવે તો તેને મુખ્ય શિક્ષક (HTAT) તરીકે એક બઢતી અને મદદનીશ કેળવણી નિરીક્ષક તરીકે એક બઢતી મળી ચૂકેલ હોય તેને હવે પછી બઢતી કે ઉચ્ચતર પગારધોરણ મળવાપાત્ર થાય નહિ.

મુખ્ય શિક્ષક (HTAT) બદલીના નિયમો  CLICK HERE TO DOWNLOAD